PostPoems Be Artistic. Be Creative. Be Inspired!

Matud nila ako dili angay

Nga magmanggad sa imong gugma;

Matud nila ikaw dili malipay,

Kay wa ako'y bahandi nga kanimo igasa.



Gugmang putli mao da'y pasalig,

Mao'y bahanding labaw sa bulawan;

Matud nila kaanugon lamang

Sa imong gugma ug parayeg.



Dili malubad kining pagbati

Bisan sa unsa nga katarungan;

Kay unsa pa'y bili ning kinabuhi

Kon sa gugma mo hinikawan.



Ingna ko nga dili ka motuo

Sa mga pagtamay kong naangkon;

Ingna ko nga dili mo kawangon

Ang damgo ug pagsalig sa gugma mo.