Author Information
صالح شوربجي : صور مبعثرة لرقصة أخيرة للوطن
تتب في دغش الغناوي
قواديس الحانه منسية
وتهمد كانوا ما كانت
جروفها من نيلنا مسقية
**
ويا ساتر علي النيل
من الهدام .
يوسع مجري للاحزان
ويصبح صحراء منسية
تراكم في رمال الخوف
تزحف جوه .. جوه الجوف
جدر اسمنت ..سدود؟؟ وهم
تنشي صروح هلامية
تغش أ محمد المسكين
مرة قروش .. مرة جيوش
ودا دأب الحرامية .
ويا ساتر .
***
تتب في دغش الغناوي
الصي .. سموم حية
تقد الطين .. تدخل بين مسام
بيوت الحي
تتسربل بثوب الدين.
في عز قايلة منسية .. قعدت
قهوة ضهرية
تهد الحيل
تدمر جيل
يفتش لي وطن في احلام
رمادية
ويلقاهو مقطع الاوصال
حريق .. وعذاب
خوازيق تبني نهضة جيل
ويا ساتر .
***
منصاتك.. عذاباتك
شليلك ..ليل كضب طول
وزرعك عيش طلع ورتاب
ياهو حصادها نهضاتك
وننهض وين
الا حصاد خطاباتك
يا مشلول الفرح – يا زين
اتفرتق عديلك وزين
وكت هجمة مليشياتك
نزعت حنة الوطن
الديموقراطي
قبل قولة عليك مبروك
وا خيبة جنيات زي ديل
يطبقوا الكي قبل تنشف
جراحاتك
ويا ساتر
I'm not quite sure if this is in Arabic, or in Farsi. I have always been fascinated with the literature of two linguistic corpus - depth and sense as reflected by the giants like Hafez, Saa'di, and Rumi. Have you ever considered making English versions?