رهيب

رهيب

يا حبيب الشعب يا انتاج بلادي

الله ما احلاك بالجبنة او بالزبادي



فيك سحر غير  عادي



انت القدر والحبيب رهيب والله رهيب



في مناسباتنا العديدة



دائماص مشكل حضور



في السمايات والمآتم



في العرس والطهور



يا الكل يوم معانا



في العشاء والفطور



عنك ما بنتخلى انت القسمة والنصيب



رهيب والله رهيب



نحنا البيك همنا



وانت سبب أذانا



في البيت والمطاعم



شايلين الصحانة



يا الساقينا موية



في الشتاء والسخانة



يا مسمار بطنا ي أجمل حبيب



يا ود عم الفاليوم



وجودك مهم في البيت



في كل المحافل



أصبحت ذائع الصيت



الله ما أحلاك بالبصل والزيت



من ما ناكلك انت



نكوس العنقريب



رهيب والله رهيب



أصلي ولد بلدنا ما جابوك بالمطار



فيك فيتامين مغذي



زي السمك والخضار



وحاتك انت طاعم



لو بالملح والشمار



إن شاء الله تكون فطورنا



في الجنة ام همبريب



رهيب والله رهيب



يا النبتة العجيبة وصفك تعدى الخيال



بتقوم في أي حتة



في الرمال والجبال



وانت سبب هزائم



المريخ والهلال



ديل راقدين جنائز



ناقصم النحيب






View sudan's Full Portfolio
tags:
poetvg's picture

beautiful piece