Author Information
موعودي
Folder:
عامية   موعودى شفتك بمنامي مبارح بالليل مضوي قبالي نجم سهيل شو حلمت بغمره وتمنيت ومن لوعة قلبي ذقت الويل *** ولما شفت طيفك قرب حدّي دقات قلبي ما عادت تهدّي بليلة زاد الشوق بعيوني قلت بحبّك وغيرك ما بدّي *** بربيع الحب فيك موعودي حبّك لقلبي سبب لوجودي وزهر الورد الكان عطشان ارتوى بلمساتك على خدودي *** مشاعري ما قدرت خبيها وشفافي ما قدرت هديها وقلت بحبّك يا نور العين بدونك الدني عتمي لياليها *** تأملت بعيونك وشفت حالي وآه يا ويلي شو هالحالي تاري اللي فيي صار فيك ومن لهفتي لفيتك بشالي *** غمرتك غمرة الطفل الولوع وشديت تا دخّلك بين الضلوع حبيت احبسك بالقلب يا مسكين وعن حبّك ما في طريق رجوع *** نتاليا  |
موعود
النجمة يللي شفتيها
مضواى وما حكيتيها
وبلحظة تمنيتيا
كانت فييكي عم تحلم
دحلك اوعى تنسيها
سارت تتنقل وتقول
ريتو دربي صار نزول
حتى جنبى ظل عا طول
جوى عيوني خبيها
او كان اليلي مسرحنا
والهوى بيمرجحنا
بغمز العين تسامحنا
وصرت النظرة اهديها
فصول السني لو عديت
اربع بلاقي حد البيت
ربيع عمري ان حسيت
لأنو عيونك فيها
ضميني دخلك بردان
الثلج بينزل عابابى
من كتر المي عطشان
لا شوفت اغلا حبابي
القمر اذا زعلان
روحي الو بهديها
SAMI