Author Information
Kamot
Kung ang imong mga kamot
mao lamang ang makakupot
sa kalipay —
na daw di makab-ot
unsaon na lamang ang uban
gutom sa paglaom
saag ug walay padulngan
dili kaba malooy
dili kaba matandog
Kung ang imong mga kamot
labaw og kusog sa tanan
kinsa man ang pahinungdan
ug kinsa pud ang pasipad-an
kay kuno sayon ra ang pagpapha
sa buling sa aping ug sa lapa-lapa
labi na siguro ang pagtak-om sa baba
ug ikaw ra ang nasayud
ug ikaw ra ang may kusog
