Author Information
صرت كبيره
Folder:
أغاني للأطفال
صرت كبيره يا ماما
وعمري خمس سنين
صار فيني هلأ ريّح
ايديكي الحلوين
رح امسح كلّ الغبره
ورح اجلي الصحون
وحضّر معك غدانا
واشطف البلكون
اللازمه
يا عيني آه يا عيني
أنا صرت كبير
رح ساعد بابا وماما
عنا شغل كتير
ما عادو بيقلولي
لسه أنت صغير
***
صرت كبير يا بابا
وسبعه عمري صار
رح اشتري غراض البيت
فواكه.. خضار
رح اغسل السياره
بالفرشايه وال مي
وشو افرح لما تقلي
يسلّمهن ايدَيّ
اللازمه
يا عيني آه يا عيني
أنا صرت كبير
رح ساعد بابا وماما
عنا شغل كتير
وما عادو بيقلولي
لسه أنت صغير
