Author Information
شو حلوه هالصيفيه
Folder:
أغاني للأطفال
عالبحر لما رحنا
بالرمل سوا لعبنا
وبنينا ع الشط بيوت
وركدنا وتسبحنا
يا الله شو حلو البحر
بالصيف كتير فرحنا
اللازمة
شو حلوه هالصيفيه
شمس وهوا وحريه
من بعد ما درسنا
هالعطله احلى هديه
لما نروح شي مشوار
ما بيصير نزعل يا زغار
ال ماما ب تراضينا
دايما عندا افكار
جابت النا ايس كريم
من الفرحه عقلي طار
اللازمة
شو حلوه هالصيفيه
شمس وهوا وحريه
من بعد ما درسنا كتير
هالعطله احلى هديه
وال بابا لما نزعل
بيجي لعنا بيتدخل
ممنوع تبكو يا ولاد
كل قصه في الها حل
منرجع سوا نتصالح
والصعب بيبقا سهل
***
