PostPoems Be Artistic. Be Creative. Be Inspired!

يا برج عالى ف السما فوق .



عذراء ورامى جوا قلبى ..



سهم شوق ..



مغرم صبابا والنبى ..



غلبان انا ..



واقف بنادي نجمتى ..



تميل على برج الحمام ..



يسكن يعشش قلبها ..



يسكن تيجان الحب فوق شعرها .



سلسال حرير .. لماتميل ..



يسكن غناوى قدها ..



مين قدها ..



طير يا حمام.. بلغ سلام ..



اصل الحبيبة برجها .. زيك تمام..



عذراء خجولة وطيبة .. وحنينة ..



قصر الكلام ..



برج إنما ايه مشكلة ..



عاشق السكات ..



وصبور بشكل لا يحتمل ..



حاسس بإنى شفتها قبل الزمن .



قبل اللغات .. قبل الكلام .



قبل مأعرفلى وطن ..



وده شئ اكيد مش محتمل ..



ولجل ذلك بعتقد عندى أمل .



رفرف يا طير وزقزق زقزقة .



دى عروسة حلوة ف برجها .



عذراء جميلة .. مزوقة ..



عذراء . وطار عقلاللى شاف .



عذراء ويخجل منها .. توب العفاف ..



قلبى اللى طاف .. ياما وشاف ..



كل البنات .. وقف مكانه و اندهش ..



طلب الجواريا مغرمين .



حد الرموش من غمد عين .



لالى ف نور المغربية .. وانتعش ..



رفرف يا طير .. قلبى انكمش .



مع انه قوس .. من ضهر قوس .



لكنه داس كل الطقوس ..



راح عندها .. سلملها ..



كل اللى حيلته من سهام .



اصبح يا عينى عندها .. من دون كلام ..



مغرم اسير ..



وده مش كتير .. على حسنها .







طارق المملوك



27/4/2006