مصطفى سنــد : سامحنـي غلطـان بعتـذر

--------------------------------------------------------------------------------



ما عدت قادر انتظر

سامحني غلطان بعتذر



ما كنت قايل من عتاب تحكم علي

بالوحدة والشوق والعذاب

انت القبيل شلت الصعاب

في دربو عديت ألف باب



لو انت زهو الحسن في عيونك بدا

خليك أمين في العشرة لي آخر مدى

كيف تنسى لهفة قلبي ليك

تنسى الحنان الكان لديك

لو مرة اسمك في البعيد شايلو الصدى

بلّ النسايم الحلوة بي قطر الندى

تلقاني واقف مرتعش ضارع إليك



عارف تمام ده المستحيل

الحسن والطبع النبيل

يغضب يجور

لحظات خصامو المرة تتمدد شهور

صدقني لو أغلط معاك دايماً أقول

انت الأصيل انت الوفي

عن حبي ما ممكن يميل

يضحك سلام الدنيا في عيونك دليل

من بعدو ما داير دليل



ما عدت قادر انتظر

سامحني غلطان بعتذر


View sudan's Full Portfolio