Author Information
Sa Pagsibol ng Pagasa
nilisan ang bayan
mga pamilya ay iniwan
hawak mga pangakong pilit isakatuparan
di alintana hirap ng katawan
at ang pagalipusta ng mga banyaga
sa ibayong dagat doon nagsumikap
upang maabot minimithing pangarap
mga kababayan kayo'y uliran
tinaguriang bagong bayani ng bayan
nawa'y dumating ang takdang panahon
ang sariling bayan ay di na iiwan
ang taong bayan ay pangalagaan
ang dapat isaisip ng ating pamahalaan
ngayong kahirapa'y di maiwasan
manggagawang Pilipinong bayan ay nilisan
lubos kayong kahanga hanga kailanman
bunga ng pagpupunyagi
sana'y inyong makamtan.
