بحق المحبة
***
بحق المحبة الجمعت بينتنا
بحق كل كلمة حلوي بكلماتنا
بحق العشري... والليل الطويل
لا تزيد عقلبي جروح بفراقنا
***
كنت حبك وكنت افديك بالروح
وكنت شوفك بعيوني جن ونوح
وقلبك مثل صخر عقلب مجروح
ضاع الهوى وضاعت ضحكاتنا
***
حبك... سقيته من دموع عينيي
وبعتت كل أشواقي الك هديي
بس يا خسارة ما سألت فيي
وصدى الليل يسأل وين همساتنا
***
كيف... بقولوا الحب هنا وسرور
والعاشق بسحر الليل شعلت نور
لقيت قلبي بهواك... مثل عصفور
محبوس بقفص مقهور ع حكاياتنا
***
يا جرح... بقلب الهوى بيبكي
وعيون عالفرقة بتدمع وتشكي
قلبك مسكر... لا حس ولا لوي
ع عاشق بكلمة تمسح دمعاتنا
***
يا هوا ...حملني وطير فيي
لأبعد دنيي بالكون منسيي
شلحني... بجزيري النسيان
وببحر الدمع نطفي جمراتنا
***
ابكي حالي وهالدني والناس
ابكي الطفولة وبراءة الاحساس
شربنا الحزن يا قلب لآخر كاس
والبسمة اشتاقت تزور شفافنا
***
يا روح... بيكفي ضنى وهموم
بيكفي عا قلب عاشق تزيد اللوم
وحياة كل همسة حب كانت بيوم
تزرع أمل جديد بحلم من أحلامنا
***
بحق المحبة... الجمعت بينتنا
بحق كل كلمة حلوي بكلماتنا
بحق العشري... والليل الطويل
لا تزيد... عقلبي جروح بفراقنا
***
نتاليا
*
*
*
| | |
الرسالة :
هلا الشاعرة الرائعة عطر اللي
كلمات ولا أحلى وقصيدة ولا أروع
كلمات تقطر عذوبة
وتفيض وجد
عطرتي مشاعرتنا والله
بهذا الفيض الرائع
يسلموووووووو
على هذا الابداع والامتاع معا
ودمتي بكل حب
غانم الروحاني