PostPoems Be Artistic. Be Creative. Be Inspired!

عندي كتكوت اصغـيَّر....طعميتو قمحه واشعير

ريشو اتلـــوّن وِاتغـيَّر...ماشاالله صار ديك اكبير

كوكو كو كو...كوكو

عندي حَمَل اصغير اكتير....جسمو امغطى ابكومِة صوف

هلأ ماشالله شــــو اكبير.....سمّيتو الســــــيّد خـــروف

ماآآآآآآآآآآء..ماآآآآآآآآآآء

عندي كُرّ ابياكُل كل شي.....حتى كبرُ وصار احمار

عندو همّة وبيساعدني......وما ابيتشَكوَن شو ما صار

هيئاآآ...هيئاآآآ

عندي جرو، عِـنيه حلوين... بيتو اصغيَّر جنب الدار

كبرُ وصار، كَلِـب أمين....بيحرس بيتي ليل انهـــار

وُوُوُف.... وووف 

حيواناتي عم تكبر......وصوتا كمانِ ابيتغيّر

يلله للماما ياصحاب....اتطعمينا كعكه ابسكّر

ورَح ناكُلها هَــم..هـَــم..هَـــم

ورَح ناكُلها هَــم..هـَــم..هَـــمممممممممممم

أصوات حيوانات حقيقية

ديك ثم خروف ثم حمار ثم كلب

ثم تتلاشى الأصوات تدريجيا

يناير 2003