Author Information
Sonster
(vooruitskouend vir 4 Desember 2002)
o Sonster
jy skryf my naam tweelettergrepig
geneties en uitstraalpuntig
dromende son van bleekgeel nag
stralende ster van grysblou dag
nooi nou die Maan tot spel!
emosies berym die uni-verse
Vlam innig maansinnig;
skakerings van digitale dae
prismeer waansinnig
die atomiese vertoning
- kleurvol herlei - gedistilleer
deur lens en moeselien
van die bysiende oog
dog slegs die melkwit Maan loer
koeltjies na die arrogante gloed
sonder obstruksie of beskerming
met kuise staar en sikliese permissie
sonder die aanspreek van die bloed ...
o Sonster - vurige Geliefde
kom sirkel in my kolk
van drome en van vergesigte
jou stergedig so dubbelsigtig driftig
word suiwer deur die Siel vertolk
Myra Lochner
Sien jy het ook een geskryf vir die sonsverduistering...sien my poging: "Met nuwemaan". Ek hou hiervan!