Author Information
Naiinggit ako
Folder:
Filipino poems Niinggit ako
Sa pagibig na sa kanya ay alay mo
Sa halik na dati ay para sa akin
Sa yakap na dati ay kanlungan natin
Naiinggit ako
Matatamis na salita ang sambit mo
Na dati ay sa tenga ko binubulong
Ngunit ngayon sa puso niya ay kulong
Naiinggit ako
Sana ay lumaban at di nagpatalo
Di sana sinuko ang ating pag-ibig
Di sana tinikom lang ang aking bibig
Naiinggit ako
Ngunit huli na, pagsamo ko sa iyo
Ako ay iyong kahapon na nilimot
Poot, galit ang sa iyo ay dinulot
Naiinggit ako
Ngunit patawad na lamang ang nais ko
Di na kailanman lalapit pa sa iyo
Patawad kung ikaw man ay nasaktan ko
Naiinggit ako
Naiinggit ako
