Author Information
Hiling
Folder:
Filipino poems Nang ako ay humiling ng lapis
Sinamahan mo pa ng pambura
Nang aso naman ang nais ina
Kasama’y kulungan na malinis
Higit sa matrikula ang abot
Nang naisin na magkolehiyo
Nang kalayaa’y hilingin sayo
Pati pangumpisa’y isinangkot
Nang naising magasawa agad
Pinagpatayo pa ng tahanan
Ngunit naligaw pa rin ng sagad
Tinubos kapalit man ay laman
Ngayo’y hiling pagbalik ng buhay
Higit, maging kaluluwa’y alay
