Author Information
Gabay
Folder:
Filipino poems Balahibo lang ang balot
Pugad ang kubo
Blanko ang isip
Mata’y nakapikit
Gabayan
Turuan
Bigyan ng kaalaman
Lagyan ng pataba
Ibilad sa arawan
Turuang lumipad
Hayaang ang katawan
Ay lumakas at sumigla
Awitan
Indakan
Hanginan ng musika
Palakihin ng masaya
Turuang maging malaya
Ihubog
Ibilog
Gabay ka sa paglaki
Pagtibay ng pakpak
Handa sa paglipad
Iiwan ka magisa
Malungkot
Nakatalungko
Ngunit may pagmamalaki
May yabang na sidhi
Mulat
Matapang
May malasakit sa bayan
Ang ibong inalagaan
Malayang naglilingkod
Sa tunay na pinagkakautangan
