علاقات

 

 

أوراق سافرة


حلو بالعلاقات النضيفه.. مهما كان نوع العلاقه .. اخوة..  بنوة..  صداقة..  حب..  الخ..... 

اني غير مكاني تجاه الطرف التاني

مرات كون قبالو متل مرايه لأحوالو

ومرات وراه متل سند يحميه ويحفظ ضهرو

وعلى طول جنبو رفقة درب

وحلو نسمع سوا بس ما نحكي سوا..  ولا نقاطع بعض سواء كان للموافقة او الاعتراض

وحلو وصل حالي لعندو بألطف الطرق  .. 

اما العلاقات احادية الجانب مو دايما بتعطي نتائج متل ما منتصور .. وكمان غلط نحكم عليها قبل ما تتبلور عبر الوقت. 

العلاقات الإنسانية على بساطتها بدها شغل وتهذيب وتبادل أدوار لنفهم طبيعة الآخر.. بس ما نضحي بحالنا لنرضي الآخر اللي مافي شي بيرضيه. 


وحظ طيب بعلاقات صارت مشحونه ومتأزمه و نفسها قصير



View ثناءدرويش's Full Portfolio