حسن ظن

 

 

أوراق سافرة


يا جماعة الخير .. صباحكن

انو يعني والله مو معقول نضل نحكي عن الأقنعة و الخذلان والذي منو..

القصة مو هيك

القصة انو النفس مانها وجه واحد وانما وجوه كتيره ..

يعني اللي بيكتب عن الفرح وهو حزين بتكون نفسو المتشبسة بالحياة عم تناضل لتحيا و مو طالع بإيدها .

واللي بيسبك بنوبة غضب ما كان قصدو يإذيك بس تربى عالانفعال و الألفاظ السوقية

واللي تخلى عنك بنص الطريق يمكن نفسو الانانية طغت على نفسو الاخلاقية ..

النفس الها وجوه كتيره وانت اللي مفكر حالك وجه واحد وعم تتهم الآخرين بالازدواجية و الأقنعة مين قلك الصح تكون وجه واحد..

ويا ترى لو تبادلتو المواقع او حتى كنا كلنا تربينا خارج هالعروبه رح نضل نكتب عن الأقنعة و نشوف حالنا بلا قناع.

يمكن صار لازم نفيق بس يبدو لا الهمس بيفيقنا ولا حتى زلزال.



View ثناءدرويش's Full Portfolio