Author Information
بتتذكري
Folder:
دندنة
بتتذكري
بتتذكري
يوم ال كنت قلّك
عيونك صلا
وصوتك أدان
بيكبّر بصدري
كيف يدمعو عيونك
و كيف ترجفي دغري
بتتذكري
يوم سرقت ضمه
شو ولولو عيونك
متل لكأن شموس
طلعت ب هالعتمه
وكرمال ترضي شوي
اكذب عليكي وقول:
مو قصدي يا عمري
بتتذكري
كروم العنب والتين
غناني الحصادين
وبيوت مفتوحه
تستقبل الجايين
وايديكي شو تلوّح
بِ شالك الزهري
بتتذكري وبذكر
عمري انا ما نسيت
وما بظنك نسيتي
لكن تعب السنين
صار بيتك وبيتي
الصغار المجانين
شو ختيرو وكبرو
و الحلم طفل صغير
عمرو ما بيكبر
