الربع الخالي

Folder: 
دندنة

 

 

كان الأمل عصفور

برعم زهر او نهر

فراشات عم بتطير

ونجوم بتلالي

 

كان الامل كلمه

ووعد بفجر طالع

وبكرا يحقق حلم

مرسوم بخْيالي

 

كان الامل حصرم

رضّعتو أمو الشمس

بعنقودو اتمرّا

وكان الصبر حالي

 

صار الأمل غالي

باليورو والدولار

وسقفو ما بينطال

متل السما عالي

 

لا صدر بيساعو

ولا ايد بتحوشو

ولا قلب ناجى قلب:

يا حلم بِ بالي

 

سرقو الحلم منا

وخلونا مطرحنا

متل الكأنا الأرض

صارت ربع خالي

 

 

View ثناءدرويش's Full Portfolio