خيالات

Folder: 
دندنة

 

- لا تفَوّتي عَ البيت

يا روح..  بغيابي

خْيالات كذّابه

قوليلهن

نايم انا جوّا

ودغري بفيق

لو يدعسو عْتابي

ولو بدّك حكيلُن 

إنّي حقيقتهن

وطينتِك يا حبّ

من عجنة ترابي

و شو نفع الخيالات

هنّي متل هالقشّ

يا حنطة البيدر

يا قدس محرابي


- لا تخاف من خيالات

بيونّسو هالروح

متلي حبيبُن غاب

وخلّا الجرح مفتوح


منشرب سوا كاسك

ومنلومك بسكره

كيف تركت ناسك

وكان الوعد بكرا


هالقشّ لو تعرف

قديش عايش قهر

كنت رجعت وكتبت

حكاية عذاب وصبر


تركني حبيبي وروح

ابكي على البيدر

قلبي نغم مجروح

وقلبك شمع أحمر

 

 

 

View ثناءدرويش's Full Portfolio