شو كان بدو يقول

Folder: 
دندنة

 

 

شو كان بدّو يقول

لما مرق جنبي

عيونو ما بتخبّي

وقفو ع رفّ العين

شربو متل طيرين

حنّو على وردي

الدبلان عا خدّي

وبلّشو بنزول

تمنيت حكيو يطول


شو كان بدّو يقول

لما لمس كتفي

مع آه فلتانه

من رجفة الشفّه

وصوت الهوى المبلول

كان بدي اندهلو

وقع الشعر كلو

وما كان يوصلّو

غاب بدرب مجهول


و رجعت بالنظره

ال صارت متل جمره

تدفي برد بكرا

و شو هم لو قالو :

ترين الشتي عَ وصول

 

 

View ثناءدرويش's Full Portfolio