تلميح

Folder: 
دندنة

 

 

صار الحكي 

بيناتنا تلميحْ

بتقول كلمه للهوا

بتوشوشا للريحْ


بتصير هالكلمة شعر

بيرندحا ناي القصب

بشهقة صدر مجروحْ


بتغمز بطرف العين

بعمل من الغمزات

سرب طيور

ومن هالفضا تسبيح


و كفّك إذا لوّح

بشوفو متل غيمه

شتت على شوقي

أو شمس عم تركب

بِ هالمدى مراجيحْ


خللي الحكي تلميحْ

تا افهمو بالروحْ

ولو ضاقت عليي الدني

زرعتْ الوقت غيري جني

رح قول كلشي مليحْ

 

 

View ثناءدرويش's Full Portfolio