أنا وحالي

Folder: 
دندنة

 

 

مبارح انا وحالي

رحنا سوا ع الدَيْر

هوي لبس المسوح

صلّا صلاة الروح

وسمّا بإسم الخير

وبقيت عند الباب

ملعون متل غْراب

ما بينحسب ع الطير


حالي يوفّي ندور

و يبوّس الغالي

وأمو الطهر والنور

يبكي بدمع السكوت

و صوت الندم عالي

يغسّل سواد القلب

بي ريحة البخّور

ووحدي بلا خيالي

مصلوب من هالقلب

محكوم مالي ذنب

و بتنزّ دمع ودم

مسامير كلّا زور

تاري تمن هالحرّ

شو مكلف وغالي

 

 

View ثناءدرويش's Full Portfolio