بدي حبك متل الأول

Folder: 
دندنة

 


بدي حبك متل الأول
نفس التطليعه المجنونه
و روحي اللي بروحك مسكونه
نفس اللهفه ال عم تتدلل

 

بدي لما الليل يليّل
أنطر وعدك عا شبّاكي
تعزفلي تحتو أشواقك
لحن الحب الشاكي الباكي
ارميلك جدّولة شعري
تتعربش وعليها تخيّل

بدي عمري ال كان الأجمل
البلوزه اللي كنت تحبا
الحب المسروق اللي مخبّا
قلّك عنّو شو فلتان
مدلوع و مانو متربّا
تسكّتني بضمه و ما تخجل

صعبه عليي إني اعقل
وبطّل حبّك متل الأول
يا ترجعلي عمري الراح
يا روح وعني ما تسأل

 

 

View ثناءدرويش's Full Portfolio