Author Information
(( رحلــة ))
فى يوم من الأيام
*** وفى ساعة من الزمان
عصفور صغير طاير
*** وفى قلبه جوه شايل
ضحكة بريئة صافية
*** وأحلام جميلة دافية
بيغنى غنوة خير
*** ويسمع غناه الليل
كان حلم عمره مدينة
*** أو عشه جوه سفينة
طال ليله وطال انتظاره
*** ومن غربته عاش فى ناره
عدت أيام وليالى
*** وكبر الطير فى الأعالى
عاش فى وحدة وشجن
*** ومن حسرة قلبه اتسجن
وسأل نفسه هدفع التمن
*** ولا الدور هيجى عالزمن
بيبص فجأة مالقاش سربه
*** من كتر حيرته نسى دربه
لف كثير وقليل
*** كان فاكر إن قلبه دليل
تاه الطير فى السما
*** وبسهم الدنيا إترمى
كان مكتوبله يعيش وحيد
*** وأبداً ما كانش عارف يبقى سعيد
عالأرض واقفله صياد
*** مستنيه يدوس عالزناد
وبصيحة واحدة من حنجرته
*** كانت نهاية الحلم ... ونهايته
