Author Information
مين اللي قال
Folder:
اغاني ٢
مين اللي قال
لزهور هالبستان
انو انا بحبّو
لَ زهزهت
اشكال مع الوان
ورشّو العطر
كلّ يوم عَ دربو
ومين اللي خبّر
بالليل نجم سهيل
شعّل ألف قنديل
ضوّا العتم بالنور
وشعشع سما قلبو
معقول شافوه المدى
بقلبي وغيرو ما حدا
وسمعوني لو غني الو
كيف صار لصوتي صدى
يمكن عيوني خبرو
قديش صارو يسهرو
ويرافقو نجوم السما
بالشوق طيفو ينطرو
***
ومين ال وشا بالسر
للساقيه .. للنهر
لوراق هالصفصاف
باحت بغير شفاف
بحروف ما انكتبو
تاري العشق سلطان
والسرّ رح يسري
ليعلّم الأكوان
كيف الصلا بتكون
وهالحبّ لا تخبّو
هوي الندى هوي العطر
بسمة حلا لمسة سحر
ما بينحبس طير الهوى
وما بينطفي ضو القمر
كونو الو عيشو معو
هالقلب بيت بيوسعو
متل الصبح لما ابتدا
ما في عتم رح يمنعو
مين اللي قال إني أنا بحبو
