Author Information
كوخ
Folder:
اغاني ٢
هونيك ع كتف الجبل
في كوخ عم يومي الي:
"من عمر صرلي ناطرك
ما في حدا بعيني حلي
يلله تعي شو أخّرك
"فركة كعب" وبتوصلي
تفتا الستاير هفهفت
عن شوقها لا تسألي"
وعم غازلو صبح ومسا
احلم ب كرمو اللي عِلي
طيور المحبة تسكنو
وورود يا ريحة هلي
القرميد يا حكاية سحر
السياج حبكه مبكّله
اتخيّلو جنة هنا
ايمتا بكوخي اختلي
وختيرت والكوخ انهدم
متل اللي قتلو شي وَلِي
مات الحلم وحدا بقت
حيطان شو سعرا غلي
لما السعاده تندهك
طلعلا او قلّا انزلي
هالعمر ما بينطر حدا
هَيْ هيي كل المسأله
٢٤/٥/٢٠٢٦
