Author Information
وسألت عنو
Folder:
أغاني
وسألت عنو العطر والوردات
والريح وغيمات الشتي
حْساسين الكروم
ليل وقمر ونجوم والعتمات
و سمعت شو وشوشو النسمات
قالو شفناه عا كتف الجبل
شارد عم يقصْدِن غزل
يقطّف حبق ل حلوة الحلوات
و عصفور غنالي حلاه وطار:
نايم حبيبِك بفيّة السجرات
وسألت عنو العشب والرِعيان
وسألت حتى بَحّة النايات
قالو مرق من صوبنا خَيّال
متل الحلم غافي بالحكايات
ورجعت وحدي والدمع شَلّال
دربي طويل وتايهه الخطوات
لقيت الحلو جوا القلب ناطر
وشوقو الي طفّا جمر آهات
