Author Information
حكيلي
Folder:
أغاني
حكيلي حكيلي
قصص الحبّ الجميله
بلكي بنسى و بنام
ألف ليله و ليله
عن ناس ضلّو ناس
شربو المحبه كاس
ما تاجرو بإحساس
و قلبو الغايه وسيله
حكيلي عن ولاد
متل الله جداد
كل يوم الو ميلاد
بهالدنيا البخيله
رندحلي شي موال
ما خطر يوم ببال
يصير النغم خيال
وانا قلبي دليلي
هدهدني متل لعبة
بلكي بصدق هالكذبة
يضوي فانوس الغربة
عتم ليالي طويلة
حكيلي .. حكيلي
ابقا العمر مقابيلي
كذبك حلو يا حب
ان صدقتو آه يا ويلي
