عم تسأليني

Folder: 
أغاني

#أغاني


عم تسأليني 

ايمتا رح نلتقا.. يا زنبقه

وليش انكتب علينا الشقا

واحلى سنين بعمرنا 

متل الورق عم نحرقا

حاجه بقا

لا تسأليني.. 

وتزودي بقلبي العذاب

متلك انا شو تعبت

دقدق عالبواب

ولا باب بوجّي انفتح

يوعدني بشوية فرح

وايام عمري بيركدو

كلما جرّب اسبقا


يمكن قدر 

انو انا حبّك 

وانتي تحبيني

نقضي العمر

ننطر ع كل مفرق سفر

صدفه تجيبك او تودّيني

ويمكن هوانا قمر

بتغار منو هالدني

اللي فرقت ما بينك وبيني


لا تزعلي

واوعك شي يوم

 من حبنا تفلّي

وعن قلبي تتخلّي

نحنا خلقنا لبعضنا

ومتل الأمانه وعدنا

ابقا الك وتبقي الي

ولابد لو طال الزمان

يطوي فراقنا النسيان

والفرح فينا يطير ويعلّي

View thana-darwish's Full Portfolio