Author Information
جيتِك أنا
Folder:
أغاني
جيتِك أنا
متل القضا.. متل القدر
هيكي ع غفله
من غير ما اعطي خبر
لقيتك قمر مكسور
ومتل اللي ناطر ينجبر
وشو غير اسم الحب
يجبر هالقمر
سألتك ع حالك
وما نطرت منك جواب
دغري عيونك غيّمو
مسكتي بضحكه هالسحاب
حبستي دمع ياما انوجع
منيحه انا .. صوتك طلع
بس الدمع أصدق
من حرف كزّاب
مين ال كسر هال ضيّ
مين ال بدَل
زهر البنفسج
بالشوك وال عوسج
وخربط سطح هالمي
قلتي الدني
ال قسيت علينا شوي
وما دامك اليوم رجعت
حزني حرام عليّ
ثناء درويش
٢٣-٦-٢٠٢٠
