Author Information
عم اشحد الضمه
Folder:
أغاني
وتعبت عم اشحد انا الضمّه
وقلّك انا بردان يا أمي
وأطلب دفا من حضنك المشغول
ب خيي اللي صار بالسما نجمه
شفافك ما عادو يضحكولي لو
مهما نجحت وقْربت من حلمي
دمعك عم يناجي ال عَ غفله راح
وخلّا سنينك ب غيبتو عتمه
نسيتي الكل .. وما عدتي شفتينا
ولما تنادينا .. بإسمو عم تسمّي
وكل الوقت عم تذكري ماضيه
فتافيت أيامو بتضلّي بتلمّي
وشو بتُوجَعيني لما تقوليلي
"بتغار من ميّت" وشو قاسيه الكلمه
خيي اللي مات انشلع من قلبي
وما كان ظنّي .. ودّع معو أمي
