Author Information
طراف الوقت
Folder:
دندنة
ماشي على طراف الوقت
وحدي
عم تمرق الأيام
بحمولتا حدي
شو شايله اعمار
و شو قاطفه ازهار
متل اللي عم بتقول
هالكون كلو
بخدمتي و عبدي
و كلما بيمر الوقت
يلاقيني مرتاحة
متل اللي عمري سبت
ماقدر يسرق حرف
من صفحتي البيضا
بسنين مسوده
يقرب على غفله
يرسم ع حيطاني
بيادر قمح جردا
صارت بلا غله
و خطوط بيضا بالشعر تضحك
من بوستو
مره على جبيني
و مره على خدي
بحبك انا يا وقت
حاجه تحابيني
رح اقطعك لو ردت
بي حد سكيني
مالك شغل مع صوت
لو ختيرو وتارو
بتضل منشده
