#أغاني
دوزن عودك يا ولفي
خلّيني روق
قلّن عمرو ما بيشفي
اللحن المسروق
اللي بدّو أحلى وصفه
رح قلّو دوق
من كاس الفنّ الشفّه
بتروي العروق
***
الناي بتمّك عم يبكي
وبعيني دموع
هوّي جرحو عم يشكي
وقلبي الموجوع
قصّتنا بنفس الحبكه
ونفس الموضوع
ولو آهاتو عم يحكي
صوتي المسموع
***
صوت الكمنجه بخفّه
بيناجي الروح
وقوسا عَ الوتر بيكفي
يداوي الجروح
يا موسيقا مو صدفه
بسرّك عم بوح
شعري بمعراج اللهفه
بيعلّي صروح
**************