Author Information
ما تظنّيش
Folder:
أغاني باللهجة المصرية
ما تظنّيش .. انّي ح عيش
عمري الجاي مع اللي راح
وانّي ح افضل جوّا الماضي
زيّ الطير ال مالوهش جناح
يمكن ح ازعل كده كم يوم
ويمكن ابقا مش مرتاح
بس اكيد ح انساكي وبصّ
للدنيا وانا كلّي حسّ
وارجع اشوف الدنيا براح
ما تظنّيش.. انو ما فيش
لسّه في الدنيا دي حنان
وحبّ حقيقي مش ح يبيعني
ويسبني لو مهماً كان
روحي روحي القلب داعيلك
وعلى الله تلاقي إنسان
زيي جوّا عِنيه يصونك
وما يفكّرش بعمرو يخونك
يشتري حبّك بالمجّان
