PostPoems Be Artistic. Be Creative. Be Inspired!

مين زينا ..ناكر الجميل ..

مين زينا بيقول كفايه .. بدون سبب ..

أما صحيح قلة أدب ..

عايشين بطر ..

واحنا بطرنا فاق المدى .. طال السحاب..

ولا يملا عينا الدبلانين الا التراب ..

عايشين ضجر .. قايمين ضجر .. نايمين ضجر ..

أما صحيح قلة أدب..

أما صحيح آخر زمن ..

صارت شعوب تنطق تقول ..

كلمة كفايه بدون سبب..

عندك حمومه ملونة .. متزوقه ..

تستقبلك من يوم ميلادك .. تكتبك ..

وتقيدك .. وتلبسك ..

وتنضفك .. وتقلفطك ..

وتسلكك .. وتوصلك بر النهايه .. وتدفنك ..

تسكن بلاش .. تاخد معاش ..

وشهاده حلوة مبروزة .. تنعى الفقيد ..

يآدى الكرم ..

هى كده ولا بلاش ..

وكمان تزورك .. تسعدك .. وتشرفك .. يوم الخميس ..

وآخده الفواكه .. والعنب .. ويا الخبيز ..

رحمه ونور .. يا محترم ..

يديها طولة العمر تفضل .. قول كمان مليون سنه ..

دى حكومة طبعا معجزه .. ماتتشوفها الا عندنا ..

مين زينا ؟؟؟؟ ......









طارق المملوك  

19/9/2005