PostPoems Be Artistic. Be Creative. Be Inspired!

تقدر ترمى حجر ..



و وراه حجر..



مليون حجر..



على حيطة سد .



تقدر تصرخ . تصيح ..



يرجع صدى صوتك ..



ماتلاقى رد..



ارمى حجر .. بس لفين يوصل ..



ده الصرخة جوانا رهينة ..



ثورتنا جوانا سجينة ..



و عدونا .. شارى ولاة امرنا ..



باعونا لولاد القرود ..



باعونا بفلوس اليهود..



واشتروا بفلوسهم مليون حجر ..



رشقونا بيه .



وزرعوا جوا قلبنا ..سهمين ورمح ..



سهم الخيانة .



سهم العمالة .



وجرح غاير فى صدرنا ..



اسمه المهانة ..



ارموا حجر . ووراه حجر ..



مليون حجر .



***************



اورشليم تنده تنادى ..



يا ولادى .



يا عرب .. فكونى من اسر اليهود .



يا مسلمين .



يا موحدين .



الفين سنه . فاتوا هوا ..



من يوم ما غدروا بالمسيح ..



المسيح لساه مامتش ..



المسيح ياخلق عايش ماتصلبش .



فاكراه ده قال ..



اللى بدون خطيئة يرمى حجر ..



واحنا فى بحر الخطايا .. متغمسين .



ومحنيين كفوفنا .. متغرقين ..



مانقدر حتى نرمى طوبة ..



لازمنا توبة .



عشان يعود يوم المسيح ..



يقول الحق عمره ما يتشنق ..



الحق عمرة مايتسرق ..



ولا يتصلب .



ولا يتسلب .



ولا يتطلب . الا بقوة تحرسه ..



من قبلها توبة ..



شوفلك طريقة .



تمحى الخطيئة ..



بعدها ناولنى حجر ..وكمان حجر .



مليون حجر .



توبوا يا طير الابابيل ..



توبوا هتشوفوا الدليل ..



هتشوف يا صاحبى المعجزات ..



على اصلها .



ويصير جنود الشوم .. من حجركم  ..



كما جيش ابرهة



ــــــــــــــــــــــــــ

                    طارق المملوك



                    30/3/2004