Author Information
نصنع حياه
Folder:
طارق المملوك / العامية المصرية ف حبك يا مصر..
التاريخ عمره ما كدب .. ده انت الحضارة..
بلد اللغات .. و التاريخ .. و الاهرامات ..
بلد العلوم .. بلد المنارة .
بلد السلام .. و النيل .. و القنال .
والسد عالى .
بلد معجزة .. بلد منجزة .
و بعبارة موجزة .. ولا كتر كلام .
التاريخ يا مصر يقفلك تحية .
و يضربلك مليون سلام .
****************
طب ايه اللى صابك ..بايدين ولادك .؟
تاريخك يا مصرصابه الذهول .
رفع اقلامه مندهش .. خايف يقول .
وانزوى ف ركن ضلمه . وانكمش .
يكتب .. يدون .. ولا يتخرس .
لان تاريخك يا مصر عمره مل يكدب .
ولا يقول غير كلام حق ..و تارخنا مكسوف ..
صابه قلق .. وخوف .
خايف يجرحك .
عارف يا مصر قيمتك . عارف مطرحك .
كا مالف عام كنت المبهرة .
كنت يا مصر ف ضلمة الكون .. مقمرة..
وولادك يا مصر بالفشل راجعين .
متغمسين .
متكحلين .
شايلين تاج الهزيمة .. ف كل ميدان .
لا يعرفوا معنى العزيمة ..
ولا يعنى ايه مجد .. وكيان .
شافوا النتيجة .
وفق الرؤوس صوانى الكحك .. مالى الشهادة..
و بالاكادة ..
كل العلوم يا مصر .. صفر .
سياحة .. صفر .
نزاهة .. صفر .
سياسة .. صفر .
مكانة .. صفر .
ورياضه ونشاط يا مصر .. صفر .
ولدك .. وليدك .. عاد .. واتكبس .
مطاطى دماغة .. بكى .. همس .
طالب سماحك .
مرمى ف براحك .
يترجى تاريخك .. يرفع القلم .
اصل الجراح ااقل من الالم .
واقفين يا مصر على بابك .. نعتذر .
و من بكانا .. بنتقهر ..
لجل نرجع لحضنك .. نضمك .
ندمنا يا مصر بالغ مداه .
يمكن نعود على باب تاريخك .
نصنع .. حياه .
ـــــــــــــــــــــــــــــــــــــــــــــــــــــــــــــــــ
طارق المملوك
29/5/2004
