PostPoems Be Artistic. Be Creative. Be Inspired!

عيد الشهيد

شفتوا الفتى؟..

صاحبى الشهيد..

كان شاب مليان عفرته..

وشقاوة حلوة.. شياكه .. ذوق..

لكنه شاف ايم طويله ف المرمطة..

قله فلوس ..

ووظيفه ميري ..

بالكاد تكفيه الغموس ..

خلاصة الحكايه ..

حياته كانت متشقلبه و ملخبطه..

ملاقاش يوم ايد ترشده ..

ولايعرفش معنى الطبطبة ..

***********

سافر بلاد الزيت ..

يعمله قرشين يسندوه..

والشاب محمود .. شفته هناك  ..

بيشغلوه ..

و يعلموه .. و يهندموه..

بقى يعنى راجل ملو الهدوم..

وزى مابنقول ..

كمل الجمال  بحفظ الكتاب ..

والصلاة و الصوم..

طرت بيه ..

ووقفت جنبه ..

عايش معاه .. باكل معاه .. بسهر معاه..

و حان الرحيل ..

كان يوم حزين..

اتخنق ..

و شهق ..

و لما بكى جسمى اتحرق ..

شهر .. اتنين ..

كلمنى قالى رايح العراق ..

و العركه جامده ..

قالى قدر .. ومكتوب ع الجبين ..

ووقت الفراق .. حان يا بطل ..

مات الشهيد ..

ايوة اتقتل ..

من عام و فات ..زى النهارده ..

لكن الاكيد ..

اليوم ده عيد ..

عيد الشهيد ..

طارق المملوك  

22/3/2004