PostPoems Be Artistic. Be Creative. Be Inspired!

صدقينى

صدقينى لما اقولك ..

ان حبك ده ف دمى ..

وان بعدتى او هجرتى ..

يندهك شوقى و همى ..

انتى كنتى ياما كنتى..

ضحكة صافية فوق جبينى..

وابتسامة حب حلوة ..

تقرب منى و تنادينى ..

القى بكرة الجاى بيضحك ..

وانت صورتك جوا عينى ..

صدقينى لما اقولك ..

ان حبك ده ف دمى ..

وان بعدتى او هجرتى ..

يندهك شوقى و همى ..

يا حبيبة عمرى يالا..

هاتى ايديك بين ايديا ..

نجرى نفرح بالنهاردة ..

والسنين جاية هنية ..

نلتقى روحين ف حب ..

و الزمان هيضيع ف ثانية ..

صدقينى لما اقولك ..

ان حبك ده ف دمى ..

وان بعدتى او هجرتى ..

يندهك شوقى و همى ..



طارق المملوك

23/4/1990