PostPoems Be Artistic. Be Creative. Be Inspired!

شيكا بيكا و بولوتيكا ( 2 )

احضر يا ميكا ..

عليك الامان ..

احكى الحكايه ..

اظهر .. و بان ..

و ميكا اصله ..

م الجن الاحمر ..

يزوم .. يزنجر ..

يحضر والينا ..

يقوم .. يخدم ..

و ميكا يلطش ..

يسب .. يلعن ..

جدود .. جدوده ..

والينا يزعل ..

يدعك فانوسه ..

يطلعله جنى .. وله مهابه ..

ياخد فلوسه ..

ملك .. كتابة ..

ده جنى .. ولا ..

زعيم عصابة ..

يضحك سي ميكا ..

الجنى اصله .. احد عبيده ..

معاه جيوشه ..

قائد مارينز ..

ممكن تحوشه ..

تاخد قروشه ..

قصده فلوسنا ..

هبشها .. هبشه ..

والينا .. منا .. و دلق ف حجره ..

و قام بيرقص .. فرح و نقط ..

غنى بياتى ..

غناله سيكا ..

دى بولوتيكا ..

و شيكا بيكا ..

افرح و زقطط..

يا عم ميكا ..



طارق المملوك

19/4/2004