PostPoems Be Artistic. Be Creative. Be Inspired!

شيكا بيكا و بولوتيكا ( 1 )

تعالوا .. حوشوا..

تعالوا شوفوا..

الشحط ميكا..

ماسك ف روقه ..

وهاتك يا ضرب ..

تحت الحزام .. وفوق الحزام ..

و بالحزام .. دى حالة كرب..

شلفطله وشه .. فتح له كرشه ..

و الحارة واقفة .. مافيش مرؤة..

اتفرج .. و شوف .. الاعيب سي ميكا..

عروض جديدة ..

قرب يا سيدى ..

سى ميكا ماسك ..شوية مطاوى..

وسنج .. مشارط .. وقال دى ظاطت..

مبلطج يا روقه ..

بعيد عن حارتنا ..

شيلوه يا عالم ..

و صادروا بيته ..

هاتوا بقرته ..

دى جامده و طلوقه ..

نشفط لبنها ..

و لما يبقى يخلص زمانها ..

نرميها جثة ..

طب و احنا مالنا ..

الذنب .. ذنبه ..

يتحدى ميكا ..

فين المروءة ..يا ناس ياهو..

ده عم روقه .. كان ذنبه ايه..

دى بولوتيكا ..

دى شيكابيكا..

الاعيب عجيبة ..

دى مش غريبة ..

بس المصيبة ..

فاطمة .. وماريكا ..

راحو لميكا ..

رسمها خارطة ..

وقال لبطة ..

وافق عليها ..

واحنا نخاويكا ..



طارق المملوك

19/4/2004