Author Information
كلام المصطبة
Folder:
الشاعر/احمد فؤاد نجم بعد السلام والمرحبه
يا ولاد بلدنا يا طيبيين
نفرش كلام المصطبه
واضح لكل السامعين
مصر الحبيبه الطيبه
أم البنيه والبنين
اشحالها فى عز الصبا
واشحال ولادها المخلصين
وسط العواصف مركبه
بين ريح شمال
وريح يمين
*******
جابوا
الطبيب ابن الحلال
كشف ما خاف
وشاف وقال
أهل البصيره فى البلد
جواب لكل السائلين
قالوا البلد
عايزه ولد
ياخد بتار المظلومين
ولد يعوض اللى راح
ويعلا فوق كل الجراح
ويمد ايده فى الضباب
يشد أنوار الصباح
فيكم ولد ياسمعين؟
أجدع ولد
طب هو فين؟
وهو مين
أبن البد
