Author Information
باسهر وبانام
Folder:
الشاعر/احمد فؤاد نجم باسهر وبانام
ياحبيبى
وانا كلى غرام
ياحبيبى
ولايسعدنيش
ياحبيبى
غير الأحلام ياحبيبى
****
فى ظلام الليل والناس نايمين
والفجر بلاده بغيده بعيد
والفكر شموع
ودموع قايدين
والصبر عذاب
ولافيش بالايد
غير انى أستنى
ياحبيبى
واصبر واتمنى
ياحبيبى
واهرب من نارى
ياحبيبى
واحلم بالجنه
ياحبيبى
***
باحلم بالنور
وبنات الحور
والطرحه التل وتاج الفل
وانا وانت بكاس الفرحه ندور
ع الناس حوالينا
ونسقى الكل
وعلى الأحلام
ياحبيبى
نصح وننام
ياحبيبى
****
ياسلام لو ان لقاك أحلام
ع الفرحه ازاى بتخلينى
أهرب
بالشوق على فوق ياسلام
والشوق ع الجنه يودينى
والجنه هناك
ياحبيبى
على شط هواك
ياحبيبى
مليانه زهور
ياحبيبى
من غير أشواك
ياحبيبى
