PostPoems Be Artistic. Be Creative. Be Inspired!

محديلى

ورق  ورق

ورق  ورق

أفكار ورق      أشعار ورق

شعار ورق    شعارات ورق

ثوار ورق     ثورات ورق

أحلام  ورق      حكام ورق

ورق ورق ورق ورق

آه يا وطن على الورق

الحلم فيك     على الورق

خدعنى فيك صوت الورق

وسافرت فيك              على الورق

وحلمت بيك  بره الورق

بستان ظليل      وقله للعطشان سبيل

وناس ونيل   ومشربيه وحمام هديل

وبنت حلوه      وواد جميل

هجموا التتار     كلاب ورق

قتلوا الرسوم على الورق

وقالوا حلمك مستحيل

وحتى لو كان على الورق

وكفنونى بالورق   .. وضيعونى    فى الورق

ورق ورق   ورق ورق

مقهور وماشى فى الورق

غرقان غرق   حلمى انسرق

شايل على قلبى الهوى    من غير دوا   الا الورق

وفجأتن   لمع .. برق

وقابلتها فوق الورق

مع انها   مش فى الورق

!ولا عمرها كتبت ورق

****

ورق ورق ورق ورق

شفت العروسه ع الورق

الشمس؟ لأ        البدر؟ لأ

النجمه؟  لأ      الشعر؟  لأ

السحر؟ لأ

لأ دى الحقيقه المرعبه

قاسيه وبسيطه وطيبه

زيك وزى  وزى بنت بحبها

وزى الوجود والحب

والناس كلها   كده الربيع

كده الجنى  

كده المسائل تنحسب

كده الكلام    كده الغنا

كده القصيده تنكتب

آه يا سناء الجرح يابنت الألم

كل الرايات اتنكست

وانتى العلم

ورق ورق ورق ورق

آه ياوطن غرقان ور ق وعملت انا مركب ورق

وسندباد ملاح ورق   وسبحت فيك بحر الورق

وصارعت فيك حيتان ورق وركبت فيك أمواج ورق

وعشت فيك لحظة غرق   كشفت كنوزك ياوطن

تحت الزباله والورق

****

ورق ورق ورق ورق

يادى الربيع لاخضر

وسط الخريف طالع

يانبعة الصحرا

قلبى الحزين والع

اسقينى ياشابه  يمكن تطفينى

وان جفت الميه  ريقك يكفينى

آه ياسناء القهر يا بنت الأنين

ياضربة الناس الغلابه المظلومين

يام العيون المغرمين    ابصر بمين

ياهلترى بعد الوطن  بتحبى مين؟

ردى على الأحباب   يازهرة العناب

ان كان دعاكى الهوى    وان كان فتحتى الباب  

آه ياسناء الورد يابنت الحسوم   يانجمة متحيره

بين الغيوم

بسأل واتا من كسفتى ف نص الهدوم

قلبك صغير ياحبيبتى على الهموم

ازاى قدرتى تعشقى  

وطن فسيح    مطعون جريح

الدنيا طلعت للأقمر  وهو متكتف كسيح

ياهلترى قلبك محيط  .. آه يابنت .. المسيح؟

آه ياسناء الورد يابنت الربيع

ورق ورق ورق ورق

وقعدت الون فى الورق  عصافير ورق .. أشجار ورق

ازهار ورق   أنهار ورق

قصر الكلام جبت الربيع  ونقشت منه ع الورق

طرزت بالياسامين   طرحه وعشر فساتين

ولضمت عقد الفل  لجلك ياست الكل

وفردت غصن البان  على قدك الفتان

وفتحت بالحنه   شباك على الحنه

طليت من الشباك  قابلونى ألف ملاك

رافعين على الأعناق

علم الشهيده سناء