PostPoems Be Artistic. Be Creative. Be Inspired!

صرخـــــة


لي وين و كيف لمتـــــــــــين...يا ضحكة ضاعت وين
يا حزن يا مرتاح.... بين الدموع و العين

تعبت معاك الروح
والليل حشد سهرو
شباك حلم مقفول
حرس المسافة يطول للفاتو ما رجعوا

يا سكة لبيـتنا
يا عتمة يا مشوار
يا شارع الحِـلة
ماضاعت الذكرى
للغابو و الحضرو
يا قمري يا قمرا
يا سنسنا و حمرا
بسأل عن الأفراح و الخاطر المرتاح
عن دنيا فيها سماح عن الصباح الراح
لا ضو و لا أثرو

لي وين و كيف لمتـــــــين...يا ضحكة ضاعت وين
يا حزن يا مرتاح..بين الدموع و العين

علِمنا يا مسكين
ورينا عايش كيف
دي الريح و غول الزيف
بيشتتوا المطرة
والفكرة قولة الحق مكتوفة مُكتسرة
والخطوة نحوِك كيف
والسكة دي خطرة
أطفالنا و الأُمات...آمالنا و أحلامنا
الحسة والجايات
طوالي في وكرة
لكن دا كلو يهون 
مهما الصباح مرهون
والفرحة محتكرة
البذرة مهما يكون حتبقى يوم شجرة