PostPoems Be Artistic. Be Creative. Be Inspired!

بختــي


في اللحظة ديك والتو........ لحظة الميلاد
كنت ومضة ضوء
فرهدت بيك فرهيد .... وانتشيت بالريد
وطرت بيك الجو
قالو ايضا بت .....
قلت مالو ولو
بختي بختي .. انت بتي .. امي واختي.. همي شيلي .. شيلي مني.. مني ختي

إتي

بشوفها عز التبتبة
بتي البريدة مرتبة
دولابا داك والمرتبا
جات من قبيل من مكتبا
ادت ابوها مرتبا
سددنا دين دكان حسين ...كستني توب
نجدنا كم.. كم مرتبه
جيهت بيتنا القديم
السقف داك والمسطبة

قيرا قيرا يا مهيرة
ياشتلاية جاتا مطيرة
تكبري انت تشيلي حملنا
وتزيدينا ترانا كملنا
نسمع عنك ما يفرحنا
الاستاذة دي كتر خيرا
يوم تلقانا ...بتوصلنا
وتحصلنا ...تفك الحيرة
ما بتتعنت وما بتتصنت
ما بتاوق في حق غيرا