Author Information
كلمات أغاني عقد الجلاد / المدينة
Folder:
الشعر الغنائى المدينة
دي المدينة وديل ايديا
داير اكتب انا في النوافز اه في المنافز
اسمي تاريخي وحكاوي الرحلة في الزمن المعاصر
داير اقول كل الكلام
الما اتفهم لي جاري
لي صاحبي واخويا
و الاتشرح جوه الدفاتر
داير اقول همسي الصريح
وقصه الحزن المحكر جوه فيني
في دروب الدنيا متغرب مسافر
دي المدينة وديل ايديا
اه اه يايمه لسه بخوض في بحر الزيف
رمل الصحرا غمر بستاني طال الصيف
ومازارني خريف طال يايمه
لسه بخوض في بحر الزيف
مشيت في الشوك لي ضريحك ابكي
مره اكابد ومره اعاني
مره اقيف اتنفس لحظه
واعود من تاني اخوض في الزيف
اه اه يايمه لسه بخوض في بحر الزيف
