Author Information
O kon ek maar...
O kon ek maar drome transformeer
tot tasbare werklikheid
sou ek jou wenswêrelde optower
met kinderlike vlyt.
O kon ek maar stilte kondenseer
tot veelstemmige simfonie
sou jou hart en myne verenig
in polsende harmonie.
O kon ek maar trane kristalliseer
tot sprankelende diamant
sou ek jou swaarkry myne maak,
myne vol reënboog sand.
